Wala na napugngan ang pagtulo sa mga luha sa inahan ni Matthew Jaictin, usa ka 9 anyos nga bata nga may kondisyon nga Hydrocephalus, human sila mapa-abutan og tabang gikan sa Zamboanga del Norte 1st Provincial Mobile Force Company nga nagpahigayon og “Adopt-a-Family” Program sa adlawng Biyernes, Enero 30, nga gipangulohan ni PLTCOL Ryan Jay R Capurcos, Force Commander.
Pag abot namo sa lugar, among nasayran ang luoy nga kahimtangan sa puluy-anan sa pamilya ni Matthew. Matud pa sa inahan ni Matthew, nga si Lou Jean Balagot, nakipuyo lamang sila sa pagka karun sa balay pud sa iyang inahan.
Gilayon dayun kining giaksyonan sa ZNPMFC nga may dalang mga materyales para tabangan og tiwas ang gipatukod unta nga balay nilang Matthew pinaagi sa pagmasa og pagtira sa flooring niini.
Gihatagan usab ang pamilya ni Matthew og nagkalain-laing relief goods nga nagsilbing kunsomo sa ilang adlaw2 nga pagkaon, lakip usab ang cash assistance gikan ni PLTCOL Capurcos ug sa Advisory Group niini hinungdan nga nahimong emosyonal si Lou Jean tungod matud niya, wala pa sila sukad nakadawat og ayuda gikan sa gobyerno bisan paman sa 4P’s
sumala pa ni Force Commander Ryan Capurcos, ang Adopt-a-Family Program usa ka Revitalized Police sa Barangay nga nagtumong sa pagsuporta sa mga pamilyang angay gayud tabangan.
Sa laing bahin, mipasalig si Municipal Health Officer Dr. Sheila Jaralve nga pinaagi sa LGU- Polanco, mapadala si Matthew sa dakbayan sa Zamboanga para sa follow up check-up tungod ang last tan-aw niini niadto pang tuig 2022.
Malampuson og mapasalamaton usab nga gitapos ang maong programa og gibarugan ni PLTCOL Ryan Capurcos ang iyang storya nga dili kini ang una og kinatapusang tabang sa maong pamilya. Ug nanghinaut siya nga mapadayun pa sa sunod liderato ang maong inisiyatiba.(JENIFFER JR. DELICA)