Hugtanon nagpasidaan ang Department of Budget and Management (DBM) sa nasud ngadto sa mga hepe ehekutibo sa mga kagamhanang lokal batok na sa mga mapahimuslanong indibidwal o grupo nga nagpatuong mahibalo mopadagan o motrabaho alang sa pagpa-release sa “Local Government Support Fund-Financial Assistance (LGSF-FA) ilawom sa General Appropriations Act.
Lakip sa modus operandi sa nasangpit nga mga mangingilad dinha sa paglinla sa mga kagamhanang lokal ang sama sa: 1) kunohay sa paghimo og mga dokyumento ug sa pagpapirma sa mga hepe ehekutibo sa “Special Budget Request” alang sa Ayudang Pinansiyal; 2) pag-ila sa mga “contractors ug 3) sa pagpangayo sa kantidad nga kunohay igasto sa pagpadagan sa request sa hingtungdang LGU.
Sumala pa sa DBM, pinaagi sa pagpaklaro niini nga kining maong buhat walay pagtugot gikan kanila, tungod nga direktang nga makig-communicate ngadto sa mga hepe ehekutibo o representante niini, sigun sa giklaro sa Special Budget Requests (SBRs) nga gisubmiter didtosa DBM basi sa item 3.6 sa DBM Local Budget Circular no. 142, serye sa 2022.
Busa subay niini, hugtanong karong gipasidan-an ang tanang mga kagamhanang lokal sa pagbantay ning maong laing matang sa pagpangilad.
(Source: Dipolog City Government Facebook page)