Laing adlaw na usab ang malampusong gipahigayon sa 1st Zamboanga del Norte Provincial Mobile Force Company (ZNPMFC) human mas gipakusgan niini ang kahandam atol sa ikatulong adlaw sa ISO Refresher ug Practical Exercises (1st Batch), diin gipunting ang tactical precision, digital integration, ug real-time operational coordination.
Ubos sa pagdumala ni Ryan Jay R. Capurcos, Force Commander, ang ikatulong adlaw milihok na gikan sa teorya padulong sa mas lawom nga aplikasyon sa field-based scenarios. Gipalawom ang paggamit sa Operations Order (OPORD) pinaagi sa situational-based planning exercises nga nagtimbang sa command decisions, task distribution, ug risk assessment sa simulated operations.
Gihatagan usab og espesyal nga pagtagad ang Communication and Signals pinaagi sa live communication drills nga nagtan-aw sa kalig-on sa mensahe, hustong radio discipline, ug security encryption protocols aron malikayan ang information compromise panahon sa operasyon.
Kini nga sesyon nagpasiugda sa modernong pamaagi sa paniktik pinaagi sa Drone Operations para sa Intelligence, Surveillance, and Reconnaissance (ISR). Gi-integrate ang paggamit sa Alpine Quest ug digital mapping platforms sa aktuwal nga threat analysis workshop, nga nagtudlo sa personnel sa pagproseso ug paghubad sa field data alang sa mas tukmang desisyon.
Sa bahin sa terrain operations, gipraktis ang advanced map reading ug land navigation nga naglakip sa intersection-resection plotting, elevation computation, ug GPS-assisted maneuvering, nga gitumong sa pagpauswag sa small-unit mobility ug tactical positioning.(IKEN B. GULLEM)
Source: Zamboanga del Norte 1st Provincial Mobile Force Company