Malampusong gipahigayon ang ikaduhang hugna sa elimination sa Polancohanon got talent didto na gipahigayon sa barangay Dansulyan, lungsod sa Polanco kaniadtong nakalabay’ng Biernes.
Diiin gisalmotan kini sa clustered barangays sa Maligaya, Dangi, Bethlehem, New Sicayab, ug Dansullan.
Nagkada-iyang talento ang gipakita sa mga kabataan nga dunay group dance, solo singing ug ingon man beat box nga naka hatag gayud og kalingawan sa mga misaksi.
Ang maong kalingawan sa gitambongan sa mga opisyal sa local government unit sa Polanco, pinanguluhan ni mayor Evan Hope Boyet Olvis, vice mayor Alfredo Bait-it, kauban sa mga konsehal nga sila si Jennifer Rodrigo ug Romer Ladera.
Sa mensahe ni konsehal Romer Ladera kinsa chair sa komitiba sa turismo sa Sangguniang Bayan, iyang gipaabot sa katawhan nga ang Polancohanon got talent usa ka programa sa LGU nga gipaduol usab katawhan aron maghatag kalingawan.
Susama kini sa community outreach program, serbisyo caravan nga bag-o lamang na tapos pag alagad sa 30 ka mga barangays sa lungsod sa Polanco.
Ang mga mananaug mao sila si Nesil Jane Bacolod, 2nd runner up nga taga milad. Diin nakadawat og usa ka libo ka pesos. 1st runner up Vanesa Lubguban nga taga Milad usab nga nakadawat og P1,500, ug ang champion mao si Alvin Teves nga taga Macleodes nga nagpakadawat sa premyo nga dos mil ka pesos.
Ang mga mi daug qualified na alang sa finals pagka tapos sa clustered eliminations tanang clustered barangays karong umalabot Marso 22 ning tuiga nga ipahigayon sa poblacion.
