Gisaulog sa Dipolog Persons with Disability Hilot Wellness Massage Association ang ika-9 nga anibersaryo ug General Assembly isip pagpasidungog sa ilang padayon nga paningkamot sa pagpalambo sa kaayohan, kahanas, ug panginabuhian sa mga persons with disabilities.
Mitambong sa selebrasyon si City Councilor Praxides P. Rubia isip representante ni Mayor Roberto Y. Uy, kauban sila PWD Hilot Wellness Massage Association President Leonido Tinaco ug PWD Provincial Federation President Rosario Daymiel, uban sa mga miyembro ug mga kaabag sa asosasyon.
Nahatagan usab og higayon ang mga miyembro sa paghisgot sa mga kalampusan sa asosasyon, pagpalig-on sa panaghiusa, ug pagdasig sa aktibong partisipasyon sa mga persons with disabilities sa komunidad.
Padayon nga gipalig-on sa PWD Hilot Wellness Massage Association ang ilang mga programa aron masuportahan ang paglambo sa kahanas, panginabuhian, ug kaayohan sa mga persons with disabilities sa Dakbayan sa Dipolog.(JENIFFER JR. DELICA)
Source: Dipolog City Government
Sent from Outlook for Android