Magdala ug hugyaw ngadto sa mga katawhan sa La Libertad, Zamboanga del Norte ang kasaulogan sa selebrasyon niini sa Ika-67 nga adlaw sa Munisipalidad nga ipahigayon karong adlawa Septiyembre 1,2026.
Ang maong kalihokan simbolo sa kasamuran o sa pagkatukod sa Munisipalidad sa La Libertad, nga usa ka makahuloganong kalihokan nga maghatag ug kahugyaw alang sa mga katawhan sa La Libertad pinaagi sa halangdaong Mayor nga si Mayor Ricky Cuenca ug sa maabtikong Bise Mayor niini nga si Vice Mayor Pete T. Zamora.
Nasayran nga kinatibuk-ang kalihokan gisugdan niadtong Agosto 29 nga mulungtad hangtod sa mismong Ika-67 nga adlaw sa La Libertad sa Septiyembre 1,ning tuiga.
Pipila sa mga kalihokan ang pagahimuon atol sa selebrasyon mao ang parada, Sayaw La Libertad : Festival of Festivals Showdon ug ilabina ang highlight sa kalihokan nga mao ang usa ka konsyerto sa inilang banda nga maghatag ug kasadya ug kalingawan sa katawhan.
Si Vice Mayor Zamora,mibutyag kabahin sa taas-taas nga gasto ug pundo alang sa niining mahinungdanong kalihokan, isa na niini ang kalihokan alang sa Pantawid Day ug uban pang aktibidad nga kabahin sa selebrasyon.
Dugang pa, gipaninguha niini nga sa sunod tuig nga selebrasyon sa Araw Ng La Libertad mas hugyaw pa kini uban sa mga paningkamot sa mga konsehales aron sa ingon niini mailhan pa tibuok katawhan sa Zambonga del Norte ug masinati usab sa tanang katawhan ang kalingawan sa selebrasyon sa Munisipalidad sa La Libertad.(MEDALYN U. BORJA)