Gisaulog sa Municipality of Liloy pinaagi sa Persons with Disability Affairs Office ang ika-48 nga National Disability Rights Week aron pagpasidunggan ug mapalig-on ang pagpanalipod sa katungod ug kaayohan sa mga persons with disabilities.
Mitambong sa maong kalihokan si Mayor Roberto Lim Uy Jr., kauban si 3rd District Board Member Venus Uy, mga miyembro sa Sangguniang Bayan nga sila Michelle S. Uy ug Feliciano V. Bolando, ingon man si Teodelvic John D. Bracamonte isip pagpakita sa ilang suporta sa sektor sa mga persons with disabilities.
Gipasiugda sa selebrasyon ang kamahinungdanon sa paghatag og patas nga oportunidad, pagrespeto sa dignidad, ug pagpalambo sa kaayohan sa mga persons with disabilities sa komunidad.
Padayon usab nga gipalig-on sa Lokal nga Panggamhanan sa Liloy ang ilang paningkamot sa pagtukod og usa ka inklusibo ug accessible nga komunidad diin ang matag usa adunay patas nga higayon sa paglambo.(JENIFFER JR. DELICA)
Source: Municipality of Liloy