Gisaulog sa lungsod sa Manukan ang ika-35 nga Sinulog Festival isip pagpasidungog kang Señor Sto. Niño ug pagpakita sa lig-on nga pagtuo, kultura, ug panaghiusa sa komunidad, kaniadtong milabay nga adlaw.
Mipuno sa kasadya ang mga kadalanan atol sa parada ug street dancing, diin daghang Manukanon ug bisita ang misaksi sa makusog nga espiritu sa selebrasyon. Gipakita sa Grand Ritual Showdown ang lawom nga debosyon pinaagi sa mga ritwal nga gipasiugdahan sa mga kabatan-onan, nga nagpadayon sa tradisyon ug kabilin sa Sinulog.
Sa mensahe ni Gov. Darel Uy, iyang gipahayag nga ang Sinulog Festival dili lamang selebrasyon sa sayaw ug musika, kundili usa usab ka simbolo sa panaghiusa ug pasalamat sa Ginoo. Iyang gidayeg ang tanang partisipante ug nanan-aw sa ilang suporta ug aktibong partisipasyon.
Kini nga Sinulog Festival sa Manukan nagpabiling usa ka timaan sa lig-on nga pagtuo, buhing kultura, ug panaghiusa sa mga Manukanon ug sa tibuok Zamboanga del Norte.(IKEN B. GULLEM)
Source: Zamboanga del Norte Provincial News/ Photo courtesy: Gov Darel Uy