Kapin 331 ka residente sa Barangay Canlucani, Dapitan City ang nakabenepisyo sa Rice for All Program nga gilunsad kagahapong adlawa Enero 26, 2026, diin matag panimalay nakapalit og 10 ka kilo nga bugas sa presyong ₱20 kada kilo.
Kini nga programa kabahin sa inisyatiba sa nasudnong kagamhanan ubos sa administrasyon ni Presidente Ferdinand “Bongbong” Marcos Jr. aron masiguro ang abot-kayang bugas alang sa mga pamilyang Pilipino, ilabina sa mga low-income households.
Sumala sa lokal nga mga opisyal, giprioridad sa programa ang mga senior citizens, PWDs, solo parents, 4Ps members, ug mga mangingisda ug mag-uuma sa coastal barangay. Ang bugas nga gipang-apod-apod gikan sa lokal nga mag-uuma ug gipalit pinaagi sa National Food Authority (NFA), nga naghatag usab og dugang suporta sa sektor sa agrikultura.
Gilauman nga magpadayon ang Rice for All Program aron mas daghan pang residente sa dakbayan ang makabenepisyo ug mapagaan ang gasto sa pang-adlaw-adlaw nga panginahanglan sa mga panimalay.(IKEN B. GULLEM)
Source: City Government of Dapitan