Mitambong ang komunidad sa Piñan sa selebrasyon sa 33rd National Children’s Month pinaagi sa “State of the Children’s Address” gahapon, Nobyembre 21, 2025. Ang kalihokan gisubay sa tema nga “OSAEC–CSAEM WAKASAN: Kaligtasan ug Katungod sa Bata, Ipaglaban!” ug nagpakita sa mga lokal nga programa batok sa Online Sexual Abuse and Exploitation of Children (OSAEC).
Gipangunahan sa mga opisyal sa LGU, kauban ang partner agencies, mga magtutudlo, ginikanan, ug mga kabataan, ang presentasyon sa mga programa, pagrepaso sa polisiya alang sa mga bata, ug pagpahugot sa lokal nga paningkamot aron matabangan ang mga kabataan sa luwas ug malinawon nga palibot.
Ang kalihokan nagpalig-on sa dedikasyon sa LGU sa Piñan sa kahimtang ug kaluwasan sa mga bata, ug sa pagtinabangay sa tanang sektor aron masiguro ang pag-uswag ug proteksyon sa kabataan.(JENIFFER JR. DELICA)
Source/Photo Courtesy: Piñan Zamboanga del Norte/Mayor Rommel Gudmalin