Usa ka lalaki ang nalumos ug namatay human naligo sa dagat samtang naka-inom sa Pilapil’s Park, Barangay Catarman, Liloan, Cebu alas 2:45 sa hapon niadtong Enero 2, 2026.
Giila sa kapulisan ang biktima nga si Roel Taneo Hortellano, 49 anyos, minyo ug residente sa Sitio San Lorenzo, Barangay Poblacion, Liloan, Cebu.
Sumala sa imbestigasyon sa kapulisan, nalingaw ang biktima uban sa iyang mga kauban sa maong lugar ug nakainom og makahubog nga ilimnon. Sa dihang naligo siya sa dagat, kalit siyang gianod sa kusog nga soog nga hinungdan nga wala na niya nakakontrol ang iyang kaugalingon hangtod siya nalumos.
Nakit-an na ang patayng lawas sa biktima sa shoreline duol sa Papakit’s Beach Resort sa Barangay Poblacion, Liloan. Ang iyang lawas gikuha dayon ug gidala sa Maturan Funeral Homes sa Barangay Catarman, Liloan, Cebu.
Nagpahinumdom ang kapulisan sa publiko nga mag-amping ilabi na sa paglangoy o pagligo sa dagat kon naka-inom, tungod kay delikado kini ug mahimong mosangpot sa trahedya.
Source: Liloan MPS
I via Renante Socia Lada