Gi-disbar ug gi- dismiss sa Supreme Court ang usa ka huwes sa Liloy, Zamboanga del Norte human mapamatud-an nga nalambigit siya sa pagpatay sa iyang kaubang huwes kaniadtong tuig 2019.
Sumala sa desisyon sa en banc, gisugo ni Judge Oscar Tomarong ang usa ka tawo aron patyon si Judge Reymar Lacaya sa Sindangan. Gibutyag sa saksi nga gibayran ang nagpangayo og P250,000 para sa krimen.
Ang insidente nahitabo pagkahuman nga nabalhin ang assignment sa duha ka huwes sa Korte Suprema, ug nakaingon kini og dakong kadaut sa reputasyon sa hudikatura. Sa wala pa maabot ang kaso sa Judicial Integrity Board, gi-sentensiyahan si Tomarong sa korte og reclusion perpetua nga walay posibilidad sa parole.
Gawas sa dismissal ug disbarment, nawala usab ang iyang retirement benefits gawas sa naipon nga leave credits. Dugang pa, gi-dili siya nga makatrabaho pag-usab sa gobyerno o bisan sa mga korporasyon nga gipanag-iya sa estado.(IKEN B. GULLEM)
Source: GMA Regional TV News