Nadakpan ang usa ka suspek atol sa usa ka malampusong operasyon nga gipahigayon sa 902nd Maneuver Company, Regional Mobile Force Battalion 9, kauban ang Criminal Investigation and Detection Group Zamboanga DS Provincial Field Unit, Pagadian City Police Station, ug Bureau of Internal Revenue Pagadian City, sa Barangay White Beach, Pagadian City.
Gikumpiskar sa mga otoridad ang 21 ka master case ug 30 ka ream sa “New Berlin” nga sigarilyo nga walay tax stamp, nga gibanabanaang adunay kantidad nga siete siyentos traynta singko mil pesos. Ang suspek nadakop tungod sa paglapas sa Republic Act 8424, o ang National Internal Revenue Code.
Ang operasyon gipahigayon ubos sa liderato sa Regional Mobile Force Battalion 9, nga nagpamatuod sa padayon nga paningkamot sa kapulisan sa pagpatuman sa balaod ug pagpanalipod sa komunidad batok sa ilegal nga kalihokan.(JENIFFER JR. DELICA)
Photo Courtesy: Regional Mobile Force Batallion 9