Duyog sa umaabot nga pagsaulog sa Valentine’s day, naglunsad og gift-giving activity si Hon. Imelda P. Janang uban ang iyang pamilya didto sa Salug District Jail, ubos sa pagpangulo ni JCINS P Samuel A. Nasiad, Jail Warden.
Laing porma sa selebrasyon ang gipakita sa kalihokan diin gipunting ang paghatag og gugma ug paglaom sa Persons Deprived of Liberty (PDLs). Gipanghatag ang nagkadaiyang mga regalo isip simbolo sa paghinumdom nga bisan anaa sa sulod sa pasilidad, ang matag usa takos gihapon sa pag-atiman ug pagrespeto.
Gipakita usab niini ang kamahinungdanon sa suporta sa komunidad sa ilang padayon nga rehabilitasyon ug pagbag-o sa kinabuhi.
Matud pa sa pamunuan, ang mga kalihokan sama niini nagpalig-on sa paningkamot sa gobyerno sa pagtukod og mas luwas, mas matinahuron, ug mas mapinanggaon nga komunidad.(IKEN B. GULLEM)
Source: Salug District Jail- BJMP R9