Gipahigayon kaniadtong Pebrero 10, 2026 ang DA-AMAD, NGAs ug LGUs Coordination Meeting sa Royal Farm Resort sa Dipolog City, nga gipangulohan ni TIDS Rodessa E. Tributante gikan sa Industry Development Division, ug ang mga representante sa Department of Agriculture – Agribusiness and Marketing Assistance Division (DA-AMAD), lain-laing National Government Agencies (NGAs), Local Government Units (LGUs), ug uban pang stakeholders.
Tumong sa maong tigum ang pagpalig-on sa panagtinabangay sa mga ahensya ug LGUs aron masuportahan ang sektor sa agrikultura ug pangisdaan sa rehiyon.
Gihisgutan sa miting ang mga update sa programa, mga tabang sa marketing, ug mga pamaagi aron mapalambo ang koordinasyon sa mga proyekto para sa mga mag-uuma, mangingisda, MSMEs, ug lokal nga komunidad.
Sumala sa mga partisipante, ang mas lig-on nga panag-uban sa mga ahensya makatabang aron mas epektibo ang pagpatuman sa mga programa alang sa kalamboan sa agri-fishery sector.(JENIFFEE JR. DELICA)
Source: DTI R9