Nagpagawas og mando ang kapulisan alang sa temporaryong pagpahunong sa pipila ka permit nga may kalabotan sa pusil, eksplosibo, ug mga pabuto sa Probinsya sa Bohol tungod sa pag-host sa 2026 ASEAN Summit ug mga kaubang miting. Epektibo kini sugod alas-12:01 sa kadlawon sa Pebrero 9, 2026 hangtod alas-11:59 sa gabii sa Pebrero 14, 2026.
Lakip sa mga permit nga temporaryong gihunong mao ang: Permit to Transport Firearms para sa gun club members; permit sa pagdala sa pusil para sa mga gun manufacturer, dealer, ug repair; Permit to Carry Firearms Outside of Residence (PTCFOR); permit sa pagpalit ug pag-transport sa eksplosibo ug mga kagamitan niini; ug lisensya sa paghimo ug pagbaligya sa firecrackers ug pyrotechnic devices.
Sulod sa maong panahon, mga miyembro lamang sa Philippine National Police (PNP), Armed Forces of the Philippines (AFP), ug ubang law enforcement agencies nga nagtuman sa opisyal nilang katungdanan ug nagsul-ob sa opisyal nga uniporme ang tugotan nga magdala og pusil sulod sa apektadong lugar.
Sumala kang Regional Director PBGen Redrico A. Maranan, ang maong lakang temporaryo lamang ug gihimo isip preventive measure aron masiguro ang malinawon, hapsay, ug walay insidenteng pagdumala sa ASEAN Summit 2026 sa Bohol.
Gihangyo usab niya ang publiko nga makigtambayayong ug mosabot sa mga ipatuman nga seguridad alang sa kaayohan sa tanan.
Source: PRO7 PIO
I via Renante Socia Lada