27.2 C
Manila
Friday, March 29, 2024

Dipolog: “HAPAG” ilusad sa 21 ka barangay ning dakbayan

- Advertisement -

Andam na ang kagamhanang lokal sa Dipolog, pinaagi sa buhatan sa Agrikultura nga mo-implemantar sa “Halina’t Magtanim ng Prutas at Gulay (HAPAG) sa Barangay Project”.

Kini ang gibutyag ni City Agriculturist Engr. Kerr N. Porlas isip pagsanong sa mandato nga gipakanaog ni Sec. Benjamin C. Abalos, Jr., sa Department of the Interior and Local Government (DILG.)

Sumala ni Porlas, suportado sa 21 ka barangay ning dakbayan ang nasangpit nga programa og gikalatid nga ilusad kini sugod sa umaabot Pebrero 10 ning tuiga.

Dugang niini nga andam na ang mga liso sa utanon ug mga abono nga ihatag ngadto sa mga barangay aron maoy magamit dinha sa pagpananum sa mga utanon.

Ang HAPAG maoy usa ka programa nga gipa-ila sa DILG aron mahatagan ug malahutayong solusyon ang problema sa kagutom nga gi-atubang sa nasud pinaagi sa pagdasig sa mga barangay nga mopahigayon og community gardening ug mananum sa mga utanon, prutas ug kawayan.

Ning maong programa, ang barangay gikinahanglang mo-establisar og 200 square meters nga luna alang ning maong katuyoan. Ang community garden paga-dumalaon sa usa  ka Sangguniang barangay member  samtang ang Barangay Nutrition Scholar (BNS) ang motabang usab sa pag-mintinar niini.

(Source: Dipolog City Government Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -