Nahimong masadya ang pagpahigayon sa “HALAD PASALAMAT 2022” sa Dipolog nga gisugdan sa may kapin kon kulang alas 3:00 ang takna, hapon sa Disyembre 2, 2022.
Mao kini ang nahimong talan-awon didto sa Dipolog Boulevard human daghang katawhan gikan sa nagkalain-laing sektor ang misalmot sa maong programa.
Gipangunahan nila ni City Mayor Darel Dexter T. Uy, Vice Mayor Senen Angeles, kanhi Gobernador Roberto Y. Uy ug 2nd District Representative, Glona Labadlabad ang pagpahigayon sa nahisgotang programa.
Gawas sa Foot Parade nga maoy kick-off activity niini, gipahigayon ang Ecumenical Prayer isip pagbukas sa nahisgotang programa gikan sa tulo ka mga hut-ong sa atong katilingban partikular sa Muslim, Subanen ug Christian, sanglit man nga ang Halad Pasalamat maoy hiniusang pagpasalamat ngadto sa kahitas-an pinaagi sa pag-ampo gikan sa mga nagkalain-laing sekta.
(Source: Dipolog City Government Facebook page)
