Mipabati sa iyang State of the Province Address (SOPA) si Governor Rosalina Jalosjos kagahapong adlawa Abril 28,2025 sa may alas 2:00 sa hapon didto sa Zamboanga del Norte Convention and Sports Center Estaka Dipolog City.
Ang maong programa usa ka mabolokong kahigayunan para mahibalo ang katawhan sa nahimong mga proyekto ug mga programa ubos sa liderato ni Governor Jalosjos. Tumong ug tinguha sa Gobernadora nga ipadayun ang kalamboan ug kalinaw sa probinsya.
Sa iyang mensahe namulong si Governor Jalosjos sa mga nahimo nga kalampusan sa probinsya nga diin ipaniguro gayud niya ang pagpalambo sa Agrikultura sa mga imprastraktura ingon man ang pagserbisyo sa publiko, tungud siya mipasalig sa katawhan nga anaa ra siya sa kanunay andam mo alagad, mupangga ug magmahal isip usa ka inahan sa probinsya. Iyang gipasalig sa katawhan nga dili siya mupahawa sa dakbayan sa Dipolog ug anaa siya andam maduol kung sikinsa man ugaling nagkinahanglan sa iyang mga panabang.
Mapasalamaton usab si Governor Jalosjos sa PDRRMO nga sa kanunay ang anaa ilabina sa pagpangandam batok sa kalamidad ug sa mga aksidente nga matagamtaman sa probinsya.Lakip sa gihisgutan ang Zanorte Medical Center sa pagpadayong kalamboan sa natad sa panglawas ug paghatag ug maayong atensyon sa mga pasyente ingon man sa natad sa nutrisyon.
Gipasalamatan usab niya ang mga kapolisan ubos sa pagdumala ni Zamboanga del Norte Provincial Director Pcol. Rainier P Diaz nga sa kanunay gesiguro ang kalinaw ug seguridad sa probinsya ilabina sa istriktong pagpatuman sa illegal nga druga.
Ang maong programa anaa usab mitambong ang ubang mga opisyales nga mga dinapit isip pagpakita sa ilang dakung suporta anaa usab ang mga empleyado sa Probinsya mga representante gikan sa National ug Local Government Agencies, mga miyembro gikan sa nagkalain-laing NGOs, ug mga opisyal ug miyembro sa Sangguniang Kabataan Federation.
Mitambong usab ang mga Board Members sa Sangguniang Panlalawigan, media practitioners, mga lideres sa mga nagkalainlain nga lungsod ug Barangay gikan sa dakbayan ug probinsya, private stakeholders, anaa usab ug mga opisyales sa militar, kapulisan, BJMPs ug uban pang uniformed personnel nga midugang sa pagduyog sa kasaulugan sa maong aktibidad.
Ang 2025 SOPA gitapos sa pinaagi sa pagkumbinser ni Governor Jalosjos uban sa tingog sa katawhan ngadto kang Vice Governor Julius Napigquit nga dunggon na ang dugay ng hangyo nga aprobahan ang 2025 Annual Budget sa Sangguniang Panlalawigan Board Members atubangan sa mga katawhanan diin hantud karon pending pa ug wala pa kini maaprobahi, tumong sa Gobernadora nga maaprobahan gayud para kini itabang sa katawhan sa probinsya.
Ang tanan gipaninguha ug gipaningkamotan ni Gobernador Jalosjos para sa tanan katawhan ingon man sa kalamboan sa probinsya sa Zamboanga del Norte ug subay sa iyang naandan nga panultihun nga matud pa MISYON KO TINUOD NGA SERBISYO!
News and photos by: ANGELICA T. OBINA