Misalmot si Zamboanga del Norte Governor Darel Uy sa MABUHAY Mustering sa 902nd (ZDN) Ready Reserve Battalion ug 2302nd Ready Reserve Infantry Brigade nga gipahigayon sa Covered Court kaniadtong Hunyo 28, sa DMCCFI sa Barangay Sta. Filomena, Dipolog City.
Isip usa usab ka reservist, naghatag si Gov. Uy og mensahe sa mga miyembro sa reserve force, diin iyang gipasidunggan ang ilang padayon nga dedikasyon, disiplina, ug pag-alagad sa nasud bisan human sa ilang aktibong serbisyo militar.
Gipasiugdahan ang programa pinaagi sa mensahe ni COL Arnold L. Gasalatan, INF (MNSA) PA, Group Commander sa 9th Regional Community Defense Group, Reserve Command, Philippine Army. Mitambong usab sila COL Casimero Royme D. Tamparong (GSC) PA (RES), Commander sa 2302nd Ready Reserve Infantry Brigade, ug COL Mandy T. Libertino, ART (GSC) PA, Director sa 902nd Community Defense Center.
Ang maong kalihokan nagtumong sa pagpalig-on sa panaghiusa ug kahanduraw sa mga reservists isip kaabag sa gobyerno sa nation-building, disaster response, ug serbisyo sa komunidad.(IKEN B. GULLEM)
Source: Gov Darel Uy