Nadugangan na usab ang usa ka mahinungdanong pag-ila alang sa Zamboanga del Norte human ma recognized si Governor Darel Dexter T. Uy isip usa sa Top-Performing ug Most Trusted Governors sa Pilipinas sa pinakabag-ong “Boses ng Bayan” Index of Governance (IOG) Trust and Performance Ratings nga gipagawas sa RPMD niadtong Hulyo 20, 2026.
Nakab-ot ni Gov. Uy ang kinatibuk-ang trust ug performance rating nga 81.98 porsyento, nga nagpasabot sa padayon nga pagsalig ug suporta sa mga Zanortehanon sa iyang pagpangulo ug pagserbisyo sa probinsya.
Sumala sa report, ang maong pag-ila nagpakita usab sa epekto sa mga programa ug inisyatiba nga gipatuman ubos sa Bag-ong ZaNorte Agenda, nga nagtumong sa pagpauswag sa panginabuhi ug kalidad sa serbisyo alang sa mga residente sa tibuok lalawigan.
Gipasidunggan usab sa maong kalampusan ang hiniusang paningkamot sa mga lokal nga opisyal, kawani sa gobyerno, ug mga kaabag sa administrasyon nga nagtinabangay aron mapadayon ang kalamboan ug pag-uswag sa Zamboanga del Norte.(IKEN B. GULLEM)
Source: Zamboanga del Norte Provincial News Network