PIÑAN, Zamboanga del Norte — Malampusong gipahigayon niadtong Pebrero 22, 2026 ang Goods Donation Program nga naghatag og dugang suporta sa mga frontline offices sa lungsod sa Piñan.
Ang mga donasyon gitugyan alang sa Piñan District Hospital (PDH), Rural Health Unit (RHU), ug Municipal Disaster Risk Reduction and Management Office (MDRRMO) aron mapalig-on ang ilang kapasidad sa pag-atiman sa pasyente ug pagresponde sa mga emerhensiya ug kalamidad.
Gipadayag sa Lokal nga Panggamhanan sa Piñan ang dakong pasalamat sa Dipolog Youth Club (DYC), Zamboanga del Norte Association of Illinois (ZAMNAI), ug CI Philippines, Inc. tungod sa ilang padayon nga suporta ug pagkamanggihatagon sa komunidad.
Ang inisyatiba nagpakita sa lig-on nga panaghiusa ug kooperasyon tali sa lokal nga panggamhanan ug mga partner-organizations alang sa mas epektibong serbisyo publiko sa katawhan sa Piñan.(JENIFFER JR. DELICA)
Source: Mayor Rommel Gudmalin