Gipahigayon kagahapon sa hapon, Nobyembre 24, 2025, ang State of the Children Address sa Zamboanga del Norte Convention and Sports Center nga gipangunahan ni Gobernador Darel Dexter T. Uy.
Gituki sa programa ang nag-unang mga kalampusan ug giya sa umaabot nga mga lakang sa lalawigan alang sa kaayohan sa kabataan. Nagtagbo ang mga lokal nga opisyales, partner agencies, mga magtutudlo, ug mga representante sa kabatan-onan aron mamati ug masayran ang gipakita nga mga programa sa kahimsog, edukasyon, proteksyon, ug partisipasyon sa mga kabataan.
Pinaagi sa SOCA 2025, gipakita ang dedikasyon sa provincial government sa paghatag og mas luwas, mas himsog, ug inklusibong palibot alang sa tanan nga kabataan sa Zamboanga del Norte, samtang gipalig-on ang mga programa nga nag-atiman sa ilang kinabuhi ug katungod.(JENIFFER JR. DELICA)
Source: Dipolog City Government