Gipahigayon sa Liloy Fire Station, ubos sa pagdumala ni Acting Municipal Fire Marshal FINSP Dave C. Dela Cruz, ang usa ka home visitation program alang sa mga retirado sa serbisyo. Ang programa gibuhat sa balay sa retirado nga personnel nga si SFO4 Dennis G. Winters sa Barangay Kayok, Liloy.
Ang inisyatibo nagtumong sa paghatag og sosyal nga suporta, kauban sa pakig-uban ug pag-monitor sa kahimtang sa panglawas sa mga retirado, aron mapakita ang ilang kahinungdanon sa Bureau bisan pa human sa ilang serbisyo.
Pinaagi sa maong programa, gipalig-on ang relasyon tali sa aktibo ug retiradong personnel, samtang gihimo usab nga modelo ang pag-atiman ug pagpasalamat sa kontribusyon sa kada miyembro sa serbisyo.(JENIFFER JR. DELICA)
Source: BFP Region 9 Liloy Fire Station