Gipasiugdahan sa Bureau of Fire Protection (BFP) Region 9 kagahapon, Nobyembre 24, 2025, ang 18-Day Campaign to End Violence Against Women (VAW) atul sa flag-raising ceremony sa Regional Office Grounds, San Pedro District, Pagadian City. Ang kalihokan nagtumong sa pagpalig-on sa awareness ug accountability aron matabangan nga matapos ang bayolensya batok sa kababayen-an.
Naghatag usab og makapadasig nga mensahe si FSUPT Jasmin S. Tanog, Chief sa Logistics Division, bahin sa papel sa gender stereotypes sa pagpadayon sa bayolensya ug sa kahayag nga bisan kinsa—babae man o lalaki—pwede mahimong biktima o perpetrator. Gisulti usab ni FCSUPT Candido nga ang pagdawat sa kamatuoran ug ang pag-angkon sa responsibilidad sa matag usa importante aron malampuson ang kampanya.
Apil sa kalihokan ang simbolikong pagpirma sa VAW-free commitment ug pagsulat sa mga mensahe o pagbati sa orange balloons, nga nagrepresentar sa hilom nga pakigbisog ug emosyonal nga karga sa mga biktima. Ang kampanya nagpadayag sa lig-on nga paningkamot sa BFP Region 9 sa pag-edukar sa publiko ug pagtabang sa komunidad aron malikayan ug matapos ang bayolensya sa sulod sa panimalay.(JENIFFER JR. DELICA)
Source: Bureau of Fire Protection Region IX