Si Mr. Alexander C. Batilo, Market Supervisor mipasabot sa publiko nga ang Merkado Publiko ning Dakbayan kabahin na sa paglangan sa pag relocate sa Dipolog Central Public Market nga gamay nalang kulang sa relocation site ug nalangan lang kini gumikan sa sugyot nga dunay ipadugang tali sa stakeholders ug engun man sa kamerkaduhan, matud pa sa maong interview Marso 18, 2024.
Matud pa ni Batilong nga ang Kagamhanang Lokal sa Dipolog City naningkamot nga dili na magdugay mapabalhin na sa Barangay Barra sa fish port ang mga negosyante sa isda.
Nagahangyo ang Market Supervisor nga suportahahan sa tanang mamerkaduhay nga kung mamalhin na ang mga negosyante sulod sa Merkado Publiko. Matud pa ang pagpamalit sa relocation site or pagpangumpro dako na kining tabang sa merkado ilabina na sa mga negosyante.
Matod pa niya nga dakong sakripisyo ang pagbalhin sa nahisgutang lugar, busa nagahangyo sa supporta si Batilong sa mga taga Dipolog nga unta kung marelocar na ang mga negosyante sa relocation site sa fish port area sa naasangpit nga lugar diin sugdan na ang pagtukod sa Merkado Publiko dinhi sa Dipolog.
Sigon pa ni Batilong nga naaprobahan na ang maong budget kaniadtong pang Septyempre 2013 ug adunay budget nga 450 Million ka pesos ang gitagana nga budget sa City Government para sa pagtukod sa bag-ong Merkado Publiko ning Dakbayan. Kahibaloan kang Batilong nga niadtong Enero pa kini sugdan sa pagbalhin apan dunay dugang sugyot sa resulta sa public hearing, diin posibling gibana-bana sa bulan sa Abril na usab ang gipaabot nga magabalhin sa relocation site fish port sa nahisgutang lugar.
Gilakbitan ni Batilong nga gihisgutan sa Engr sa Kagamhanang Lokal nga target 400 days o kapin sa usa ka tuig mahuman apan posibling mudagan pa kini ug dugay matod pa ni Batilong ang pagtukod sa bag-ong Merkado Publiko ilabi na sa kakulian sa dagan sa panahon nga maoy rason malangay ang pagtrabaho.
Sa panapos nga saysay niini nga kung ugaling matapos na ang Merkado Publiko, mubalik ang tanan ilabi na sa mga wala nagrenew sa business permit tungod kay may problema, mamahimong muhangyo para masulosyonan ug mahimong paabuton usab ang mga negosyante sa City Government nga limpyuhan ang tanang records kay aduna na kining bag ong ordinansa mahitungod niini.
Ang Market Supervisor naghangyo sa publiko nga magtinabangay og mamalit ang tanan kita sa merkado publiko ning dakbayan aron usab makabayad sa ilang mga obligasyon ang mga negosyante. (Angelica T. Obina)