Ang pagpanghatag gipahigayon kaniadtong Hunyo 22, 2024, sa Sabado sa kasaulogan sa 61st CHARTER ANNIVERSARY sa Syudad sa DAPITAN.
Ang mga kinarton nga ayuda kini nag gumikan sa Department of Social Welfare & Development Office nga gitunol kini sa kagamhanang lokal sa Dapitan City. Ang tanan usa ka dakung tabang sa mga nanginahanglan pinaagi sa Food for Work Program, nga gidumala sa City Social Welfare & Development Office nga gipanguluhan ni Ms. Marilyn S. Sy.
Saysay ni CSWDO Sy nga ang ilang opisina miduyog sa City Agriculture’s Office pinaagi ni Mr. Cyril A. Patangan aron sa pag-ila sa mamahimong recipients. Sila gilangkuban sa mga mag-uuma sa kabukirang parte ning siyudad nga labing naapektuhan ang pananom niadtong grabe ang kainit sa panahon.
Si Mayor Jalosjos nalipay ug daku sa iyang nasaksihan nga kalipay sa hitsura sa mga nakadawat sa nahisgutang mga ayuda. Mipadayag usab sya sa iyang dakung pasalamat sa DSWD sa kanunay niini nga paglugway sa ilang mga programa sa atong kagamhanang lokal aron matunol usab ngadto sa mga tawong nagkinahanglan sa dakung tabang. (Angelica T. Obina)
(Source:City Government of Dapitan)