Cebu Coastal Road tunnel sirad-an sulod sa 6 ngadto sa 7 ka bulan

0
6
(Photo courtesy of Ramil Ayuman)

Gikatakda nga sirad-an ang Cebu South Coastal Road Tunnel sugod karong Hulyo 17, 2024, hangtod kini sa 6 ngadto sa 7 ka bulan.

Kana maoy gipahibalo sa Cebu City Transportation Office (CCTO), kagahapong adlawa, Hunyo 26, 2024, human adunay nakita nga mga pagpangliki sa maong tunnel.

Atol sa gihimo nga ocular inspection uban sa private contractor, ang ZLREJ Construction ug maintenance division sa DPWH 7, nakita ang daghang mga nangliki ilawom sa maong tunnel sa SRP.

Nadiskubri-an usab na daghang mga suga ang nangaguba sa maong tunnel na nakamugna og ka ngitngit sa pikas linya sa karsada.

Sa nasayran na ang Cebu South Coastal Road Tunnel, two way ug four lane (dual carriage way) nga dunay gitas-on nga 0.97 kilometers.

Gisugdan kini sa pagtukod niadtong tuiga 2006 og nahuman sa tuig 2010, isip tubag sa problema sa trapiko sa dakbayan sa Sugbo.

Gumikan niining maong panghitabo napanglantawan na mutumaw ang lain na usab nga problema sa trapiko sa dakbayan sa Sugbo. (Renante Socia Lada)

Leave a Reply