Kompirmado sa Police Regional office 9 (PRO9) karong bag o pa lamang nga gibutyag sa usa ka Official Statement ang mahitungod na sa pag kidnap sa usa ka Americano nga nailhang si Elliot Onil Eastman didto sa lungsod sa Sibuco, Zamboanga Del Norte sa kagabhion, Octobre 17, 2024.
Ang maong langyaw nga si Eastman naka pangasawa ug Pinay nga lumad nanimuyo sa nahisgutang nga lungsod.
Matud pa sa inisyal nga report sa Police Regional Office 9, gisulod sa upat ka mga armadong lalaki diin gapaila kini nga mga law enforcement officers ang pinuy anan niini ug gipugos gilayon pagdala ang biktimang langyaw.
Sa pamahayag sa PRO 9, mi attempt pa kini ug sukol ang biktima apan pakyas siya sa pagbuhat niini, hinungdan nga gipusil ang biktima sa iyang tiil ug gipugos pagsakay sa nagpaabot nga ka bangka ug dayung biya sa lugar sa wa matinong direksyon.
Matud pa sa PRO9 nga wala silay nadawat nga demand sa ransom ug hantud karon gisubay pa ang motibo sa sa naasoy nga incedente.
Sa pagkakaron padayon pa ang gihimong hot pursuit operation sa Sibuco Municipal Police Station, Marines, Provincial Mobile Force Company, Zamboanga Del Norte Police Provincial Office ZNPPO, Police Regional Office 9, inubanan sa pakig-alayon sa Anti-Kidnapping Unit 9, ug sa Armed Forces Of The Philippines (AFP). (Angelica T. Obina)
(Source: Police Regional Office 9)