Puno sa kalipay ang 50 ka bedridden senior citizens sa Dapitan City human sila nakadawat og gift packs gikan sa lokal nga kagamhanan sa Dapitan ubos sa pamuno ni Mayor Evelyn “Belen” Uy, pinaagi sa City Social Welfare and Development Office (CSWDO) ug Office of the Senior Citizens Affairs (OSCA).
Ang matag gift pack naglangkob og gatas ug mga biskwit, usa ka yano apan mapinanggaon nga gasa alang sa mga tigulang nga nanginahanglan og espesyal nga pag-atiman. Una nga nabahinan ang mga barangay sa Unit 1 nga naglakip sa Banonong, Cawa-Cawa, Daro, Dawo, Kauswagan, Linabo, Ma. Cristina, Potol, Sinonoc, Bagting, ug Sta. Cruz.
Padayon ang CSWDO ug OSCA sa pagbisita sa ubang barangay aron matagaan usab ang uban pang senior citizens. Pinaagi sa maong kalihokan, gipakita sa lokal nga kagamhanan sa Dapitan ang padayon nga pag-atiman ug pagrespeto sa mga tigulang nga kabahin sa komunidad.(JENIFFET JR. DELICA)
Source: City Government of Dapitan