Gipahigayon sa National Irrigation Administration – Zamboanga del Norte Regional Sub-Office (NIA ZDNRSO), kauban ang District 1 Irrigators Agriculture Cooperative, ang Pre-Membership Education Seminar (PMES) alang sa Saygano ug Balubuhan-Umbay Irrigators Association, sa mga lungsod sa Sibutad ug Rizal, Zamboanga del Norte.
Gitumong sa maong aktibidad ang pag-andam sa mga mag-uuma sa pagpanag-iya sa kooperatiba pinaagi sa paghatag kanila ug kahibalo sa prinsipyo, estruktura, ug responsibilidad sa pagka-miyembro. Gipasiugda usab ang mga benepisyo sa kooperatiba sama sa access sa panginabuhian, inputs, post-harvest facilities, ug negosyo nga kalambuan.
Human sa seminar, 31 ka miyembro sa duha ka asosasyon ang opisyal nga nadawat sa District 1 Irrigators Agriculture Cooperative, nga nagtimaan sa lig-on nga panaghiusa sa mga mag-uuma aron mapalambo ang produksyon, pagpaambit sa mga resorses, ug panginabuhian
Pinaagi sa ingon nga inisyatibo, padayon ang NIA ZDNRSO sa pagpalig-on sa mga kooperatibang komunidad sa Zamboanga del Norte.(IKEN B. GULLEM)