Gipakita sa Officer’s Ladies Club (OLC) Foundation Incorporated ang ilang malasakit sa mga kapulisan pinaagi sa usa ka gift-giving ug assistance activity nga gipahigayon sa Camp Hamac, Sicayab, kaniadtong Enero 6, 2026.
Ang kalihukan nagtumong sa paghatag og tabang sa 12 ka mga PNP personnel ug Non-Uniformed Personnel (NUPs) sa Zamboanga del Norte Police Provincial Office (ZNPPO) nga nag-atubang og mga malawig o chronic nga sakit. Gihatagan sila og cash assistance, bugas, groceries, ug mga pangunang gamit sa pagpahigda aron makatabang sa ilang adlaw-adlaw nga panginahanglan.
Gipangunahan ang maong aktibidad ni Mrs. Ejelie Gania, OLC President sa ZNPPO, uban sa presensya ni Provincial Director PCol. Jimmy M. Laguyo, nga nagpahayag sa kahinungdanon sa pag-atiman sa welfare sa mga kapulisan nga bisan pa sa ilang kahimtangan sa panglawas, padayon gihapon sa pag-alagad sa katawhan.
Padayon nga gipalig-on sa OLC Foundation Incorporated ang ilang mga programa nga naglantaw sa kaayohan sa mga kapulisan, isip kabahin sa mas lapad nga tumong sa pagpalig-on sa serbisyo publiko ug pag-amuma sa mga nagserbisyo sa komunidad.(IKEN B. GULLEM)
Source: Media outlet
