Nasakmit sa mga personahe sa kapulisan ang gibana-bana nga 1 ka gramo sa ilegal nga drugas gikan sa usa ka drug suspek atol sa gipatoman nga search warrant mga alas 5:40 ang takna sa hapon niadtong Abril 17, 2026,didto sa Purok 3, Brgy. Linabo, Dapitan City, Zamboanga Del Norte.
Naila ang drug suspek nga si alyas “Paloy” 39 anyos lalaki, adunay live-in partner, walay trabaho, nagpuyo sa nahisgutang lugar,kinsa nalista isip Street Level Individual (SLI), Drug watchlist, gidakop pinaagi sa mga operatiba sa Dapitan CPS uban sa mga operatiba gikan sa 1st Zamboanga del Norte Provincial Mobile Force Company tungod sa paglapas sa RA 9165 (Comprehensive Dangerous Drugs Act of 2002) ubos sa Search Warrant nga gi-isyu ug gipirmahan ni HON. JOSE RENE G. DONDOYANO, Presiding Judge, 9th Judicial Region, RTC, Office of the Executive Judge, Dipolog City nga gipetsahan Abril 17, 2026.
Nasakmit sa mga awtoridad ang gibana-bana nga usa (1) ka gramo sa gituohang shabu, uban sa nagkalain-laing mga gamit sa droga ug mga butang nga dili droga, nga gibanabanang mobalor og P6,800.00.
Ang suspek pormal nga gipahibalo sa mga kaso batok kaniya ug sa iyang mga katungod sa wala pa madakpi ug sa pagkakaron, anaa na kini sa kustodiya sa Dapitan CPS samtang nagpaabot sa pagpasaka sa tukmang reklamo.
Ang tanang nasakmit nga mga butang gi-imbentaryo na ug gisumite na sa ZN Provincial Forensic UNIT-9 alang sa chemical examination.(MEDALYN U. BORJA)
Source: ZNPPO