Dakpan ang usa ka 34 anyos nga High Value Indibidwal (HVI) atol sa gipatoman nga buy-bust operation sa mga personahe sa kapulisan mga 9:10 ang takna sa kagabhion niadtong Abril 16, 2026, didto sa Capitol Avenue Barangay Estaca, Dipolog City, Zamboanga Del Norte.
Ang dinakpan nga indibidwal naila nga si alyas ” Paul”, lalaki, 34 anyos, bag-ong nailhan nga usa ka High-Value Individual (HVI) kinsa gidakop pinaagi sa Special Operations Unit 9, PNP DEG, ubos sa pagmando ni PBGEN ELMER E RAGAY, Director, PNP DEG, uban sa Zamboanga del Norte-PDEA, Zamboanga del Norte Police Provincial Office-Provincial Drug Enforcement Unit, Dipolog City Police Station, ug City Drug Enforcement Team tungod sa kasong paglapas sa RA 9165.
Atol sa operasyon nakumpiska gikan sa dinakpan mao ang gibana-bana nga 50 gramos nga gituohang shabu nga adunay gibanabanang kantidad nga PhP340,000.00, uban sa mga butang nga dili droga.
Ang dinakpan nga suspek gidala sa Dipolog City Police Station alang sa dokumentasyon ug hustong disposisyon, samtang ang mga nakumpiskang ebidensya sa droga gitugyan ngadto sa Zamboanga del Norte, Provincial Forensic Unit, alang sa laboratory examination.(MEDALYN U. BORJA)
Source: Sou IX Dred