Nagtingkagol karon sa prisohan homan masikop ang usa ka wanted nga indibidwal sa kasong Qualified Theft atol sa gipatoman nga intel-driven operation sa mga personahe sa kapulisan didto sa Barangay Communal, Liloy, Zamboanga del Norte, Abril 18,2026.
Ang maong suspek gidakop pinaagi sa mga personahe sa Liloy Municipal Police Station uban sa 2nd ZNPMFC sa bisa warrant of arrest tungod sa kasong Qualified Theft (RPC Art. 310).
Kining malampusong operasyon nagpakita sa among lig-on nga pasalig sa pagpangita sa mga gipangita nga indibidwal ug pagmintinar sa kalinaw ug kahusay sa among komunidad.(MEDALYN U. BORJA)
Source: Liloy MPS – ZNPPO