Mas mapalapad ang healthcare services sa Zamboanga del Norte human gi-inaugurate niadtong Agosto 11 ang bag-ong Annex Building sa Zamboanga del Norte Medical Center (ZNMC).
Gipasiugda ni Governor Darel Dexter T. Uy nga ang pagpalambo sa healthcare importante aron dili mapugos ang mga pamilya sa pagpili tali sa pagkaon ug gasto sa pagpaospital.
Matud sa gobernador, ang healthcare usa sa sentro sa iyang paningkamot nga mahatagan ang katawhan og serbisyo nga direktang makatabang sa ilang kinabuhi.
Gipasalamatan usab niya ang mga doktor, nurses ug hospital staff sa ilang padayong pag-atiman sa mga pasyente.
Samtang, giawhag ni ZNMC Hospital Administrator Dr. Esmeralda Nadela ang tanang empleyado nga ipadayon ang pagserbisyo uban sa kalooy, respeto ug dedikasyon.
Ang bag-ong annex dili lamang dugang nga pasilidad, kundili usa ka lakang aron mapalapad ug mapalambo ang access sa kalidad nga healthcare alang sa mga pamilya sa Zamboanga del Norte.(IKEN B. GULLEM)
Source: Zamboanga del Norte Provincial News Ne