Andam na ang Dapitan City sa pagdawat sa mga atleta ug kawani sa nagkalain-laing government agencies alang sa 17th ZNFGEU Inter-Government Agency Sports Fest 2026, nga ipahigayon sa siyudad sa Septiyembre 14–18, 2026 isip kabahin sa selebrasyon sa Civil Service Month.
Gipakusgan sa City Government of Dapitan ang pagpangandam aron masiguro ang hapsay, organisado ug malampusong pagpatuman sa lima ka adlaw nga kalihukan. Ubos sa pagpanguna ni Mayor Evelyn “Belen” T. Uy, gipahigayon ang ikatulong coordination meeting aron masusi ang mga kinahanglanon ug maandam ang matag aspeto sa event.
Mitambong sa meeting ang mga coordinators, focal persons ug working committees gikan sa nagkalain-laing opisina sa LGU. Gihisgutan nila ang event guidelines, logistics, assignments ug uban pang importanteng detalye alang sa pag-host sa mga delegado ug partisipante.
Gipangulohan ang meeting nila Jenmar G. Cortes ug Atty. Bryne Angelo Brillantes, leads sa Overall Organizing Committee, uban ni LGU-DEU Sports Coordinator Rizza D. Page.
Pinaagi sa hiniusang paningkamot sa mga opisina ug working committees, gipakita sa Dapitan ang kaandam niini sa pag-host sa usa ka organisado ug maayong sportsfest nga maghiusa sa mga kawani sa gobyerno.
Dili lamang kompetisyon sa sports ang maong kalihukan, kundili usa usab ka oportunidad aron mapalig-on ang camaraderie, teamwork ug panaghiusa sa mga public servants.(IKEN B. GULLEM)
Source: Dapitan City Government