Nagtipon ang nagkalain-laing opisina sa City Government of Dipolog alang sa Gender and Development (GAD) Technical Working Group (TWG) Meeting niadtong Marso 31 sa Gallery 4, ikaduhang andana sa Museo Dipolog.
Ang tigom gipangulohan ni GAD Focal Person System–TWG Chairperson John Pelmar Pelpinosas, uban sa partisipasyon sa mga GAD focal persons gikan sa nagkalain-laing opisina sa siyudad.
Gipunting sa miting ang pormulasyon sa Gender and Development Agenda nga maglatid sa plano sa siyudad sulod sa tulo ka tuig. Tumong niini ang pag-andam ug paghulma sa komprehensibong GAD Agenda subay sa Joint Memorandum Circular No. 2018-04 sa Philippine Commission on Women (PCW), Department of the Interior and Local Government (DILG), Department of Budget and Management (DBM), ug National Economic and Development Authority (NEDA).
Sumala sa mga opisyal, ang maong lakang nagtinguha sa pagpalig-on sa gender-responsive nga mga programa ug pagsiguro nga matubag ang panginahanglan sa tanang sektor sa komunidad pinaagi sa klaro ug organisadong plano.(IKEN B. GULLEM)
Source: Dipolog City Government