Nanghatag og relief packs, pagkaon, ug basic nga panginahanglanon ang City Government of Dapitan pinaagi sa City Social Welfare and Development (CSWD) sa mga pasaherong na-stranded sa pantalan tungod sa Tropical Storm Basyang.
Human masuspenso ang mga byahe sa dagat, gilusad dayon sa CSWD ang pag-assess ug interview sa mga pasahero aron matino ang ilang kahimtangan ug mga panginahanglan. Dayon gipanghatag ang pagkaon ug mga kinahanglanon aron matabangan ang mga naapektuhan samtang naghulat sa pagpadayon sa biyahe.
Gigamit sa LGU Dapitan ang mga pre-positioned goods nga daan nang giandam sa pantalan aron masiguro ang paspas ug organisadong pagresponde sa emerhensiya. Kini nga aksyon nagpakita sa kahanduman sa dakbayan sa pag-atubang sa mga kalamidad ug sa pagpanalipod sa kaayohan sa mga pasahero.(IKEN B. GULLEM)
Source: City Government of Dapitan