Mipahigayon og “Talk to Men and Women” si PCOL Reydante E. Ariza, Acting Provincial Director sa Zamboanga del Norte Police Provincial Office, sa Leon B. Postigo Municipal Police Station nga gipangulohan ni PMAJ Mark Joseph C. Porras.
Atol sa iyang pakighinabi, gipasiugda ni PCOL Ariza ang importansya sa propesyonalismo, disiplina, ug panaghiusa isip pundasyon sa epektibo ug kasaligan nga serbisyo sa kapulisan.
Gipahinumdoman usab niya ang matag police officer sa ilang responsibilidad sa pagmintinar sa kalinaw ug kahusay sa komunidad ug sa padayon nga pagpalig-on sa pagsalig sa publiko ngadto sa kapulisan.
Ang kalihokan nagpalig-on sa morale sa mga personahe ug nagpakita sa lig-on nga liderato sa ZNPPO sa paggiya ug pagpalambo sa serbisyo sa kapulisan sa lalawigan.(JENIFFER JR. DELICA)
Source: Zamboanga del Norte Police Provincial Office