Dakpan ang usa ka lisensyadong doctor sa pagpamusil sa usa ka food cart vendor didto sa Purok Rubia, Barangay Obay, Polanco, Zamboanga del Norte sa may alas 5:50 kapin kun kulang sa kahapunon, Mayo 3,2025.
Ang suspek nga si alyas Tony,78 anyos ug taga Porac, Pampanga, ug ang biktima nga lalaki, 33 anyos ang pangidaron diin usa ka food cart vendor.
Matud pa sa inisyal nga imbistigasyon sa mga otoridad, adtong higayuna adunay nahitabong pananglalis tali sa duha, matud pa sa gisugilon sa 24 anyos nga babayeng ka live-in sa suspek, hinungdan nga mibunot sa iyang pusil ang suspek nga doctor ug dayun tiun sa biktima. Ang biktima misulay pa unta sa pagsukol para mapanalipdan niya iyang kaugalingon apan daling nakapabuto na kini hinungdan nga naigo sa walang bahin sa bukton ang maong biktima nga vendor.
Adtong higayuna daling nakasibat dayun ang suspek kauban sa iyang ka live-in partner apan dali ra usab dayun nga nasikop sa mga miresponde nga mga personahe sa Polanco MPS.
Ang panagbangi sa duha gikatahong selos ang hinungdan sa maong panghitabo. Ang dinakpan doctor ang anaa na karon gikustudiya sa Polanco MPS ug ang biktima kasamtangang anaa na usab sa Zamboanga del Norte Medical Center para sa medikal nga atensyon ug gikatahong anaa ra sa luwas nga kahimtang.
Sa pagkasikop nakuha usab ang Glock 9mm pistol nga maoy gigamit sa pagpamusil apil na ang magazine nga adunay pay 11 ka bala.(Angelica T. Obina)
Source:ZNPPO