Nagpahigayon og Fire Safety Inspection ang personnel sa Liloy Fire Station ubos sa liderato ni Acting Municipal Fire Marshal FINSP Dave C. Dela Cruz aron masiguro nga mosunod sa higpit nga safety standards ang mga firecracker retailers.
Gitan-aw sa inspeksyon ang pagkatakda sa hustong lugar sa pamaligya, pagbutang og “no smoking” signs, pag-angkon sa fire extinguishers, ug pagsunod sa balaod sa pagpamaligya sa approved ug dili banned nga firecrackers. Gipahinumduman usab ang mga retailers nga limitahan ang paggamit niini alang lamang sa community displays.
Pinaagi niini nga lakang, gipalig-on sa Bureau of Fire Protection ang paningkamot sa pagpanalipod sa publiko ug pagpugong sa sunog ug disgrasya ilabi na ning panahon sa selebrasyon.(JENIFFER JR. DELICA)
Source/Photo Courtesy: BFP R9 Liloy Fire Station