Nagpahigayon og fire safety awareness lecture ug fire drill ang Labason Fire Station sa Balas Elementary School aron mapalig-on ang kahibalo sa mga estudyante ug magtutudlo sa hustong panglihok panahon sa sunog.
Gipunting sa kalihukan ang pagtudlo sa mga batakang paagi sa paglikay sa sunog, sakto nga evacuation procedures, ug paggamit sa fire safety equipment aron malikayan ang kadaut sa oras sa emerhensya.
Apil sa gihatagan og training ang mga estudyante, school staff, ug mga magtutudlo aron masiguro nga andam sila ug kabalo moresponde sa mga insidente sa sunog.
Sumala sa Bureau of Fire Protection, kabahin kini sa padayon nga kampanya sa pagpalig-on sa disaster preparedness sa mga eskwelahan ug komunidad.(JENIFFER JR. DELICA)
Source: BFP R9 Labason Fire Station