Gipasiugdahan sa lungsod sa Katipunan ang selebrasyon sa Women’s Month diin gidasig ang kababayen-an nga mas palig-onon ang ilang papel isip mga lider ug aktibong kabahin sa pagpalambo sa komunidad.
Kapin sa 2,500 ka partisipante gikan sa nagkalain-laing sektor ang mitambong sa kalihukan, nga naghatag og higayon sa pagpalambo sa kahibalo ug panaghiusa alang sa gender equality ug inklusibong katilingban.
Gipunting sa programa ang paghatag og kusog sa kababayen-an pinaagi sa pagpalambo sa ilang kapasidad, liderato, ug partisipasyon sa mga inisyatibo sa lokal nga pangagamhanan.
Sumala sa mga tigpasiugda, ang maong selebrasyon kabahin sa padayon nga paningkamot sa paghatag og patas nga kahigayunan ug pagpalig-on sa kontribusyon sa kababayen-an sa kalamboan sa komunidad.(JENIFFER JR. DELICA)
Source: Zamboanga del Norte Provincial News Network