Gipahigayon ang cybersecurity ug digital literacy session sa San Alfonso Elementary School, Barangay Sangkol sa Dipolog City aron mapalambo ang kahibalo sa mga Grade 6 nga estudyante sa hustong paggamit sa teknolohiya.
Gipunting sa kalihukan ang pag-edukar sa mga estudyante sa online safety, lakip ang pag-ila sa cyber threats ug pagpanalipod sa personal nga impormasyon sama sa passwords ug accounts.
Giapil usab sa programa ang mga batakang konsepto sa digital literacy ug simple nga coding activities aron mapalambo ang ilang critical thinking ug problem-solving skills.
Sumala sa mga tigpasiugda, tumong sa maong inisyatibo nga maandam ang kabatan-onan nga mahimong responsable ug kahibaloan nga digital citizens sa padayon nga nag-uswag nga teknolohikal nga kalibutan.(JENIFFER JR. DELICA)
Source: PIA Zamboanga del Norte