Sayo, adlawng Martes, Abril 18, 2023, ang mga personahe sa BFP (Bureau of Fire Protection) ubos sa direktang pagdumala ni Municipal Fire Marshal, SFO4 Elmer D Amparado, kusganong nagpahigayon og fire and earthquake drill sa mga opisyal sa Barangay, mga magtutudlo ug mga estudyante sa Mawal Elementary School nga nahimutang sa Brgy. Mawal, Leon B Postigo, Zambaonga del Norte.
Kining maong kalihokan, nagtumong sa pagpalig-on ug pagpadugang kahibalo sa mga barangay opisyales, magtutudlo, ug mga estudyante aron sa pag-pangandam sa pag-abot sa lain-laing mga matang sa mga kalamidad ug labihan na sa pagkahibalo sa unsay angayng gayud buhaton kung maka-atubang ug makasinati sa mga lain-laing mga matang sa kalamidad ug sa panahon usab human sa usa ka panghitabo sama sa sunog ug linog. (Erlie Grace S. Agapay-DXKD Intern)