Nagpakita og interes ang Kubota Philippines sa pagpalig-on sa sektor sa agrikultura sa Dipolog City pinaagi sa posibleng kolaborasyon nga magpunting sa modernong makinarya ug teknolohiya sa uma atol sa ilang pakigtagbo kang Mayor Roberto Y. Uy kaniadtong Pebrero 2, 2026.
Nakigtagbo si Kubota Philippines President Ed Villamor uban sa iyang delegasyon, kauban usab ang City Agriculturist Engr. Kerr N. Porlas. Gihisgutan sa miting ang kasamtangang kahimtangan sa agrikultura sa siyudad ug ang mga paagi aron mapataas ang produksyon ug mapalambo ang panginabuhian sa lokal nga mga mag-uuma.
Gipasiugda sa Kubota ang kahinungdanon sa paggamit sa episyente ug abanteng agricultural equipment aron masuportahan ang malungtarong kalamboan sa agrikultura, nga gilauman makatampo sa pagpalig-on sa lokal nga ekonomiya sa Dipolog City.(IKEN B. GULLEM)
Source: Dipolog City Government