Malampusong napahigayon ang Executive Briefing nga may kalabtanan sa NEO Plus Program, diin kini gipangunahan ni Mayor Evelyn T. Uy, didto sa Dapitan City Government Center, niadtong Hulyo 29 ug 30, 2025.
Ang nasangpit nga aktibidad, gipangunahan usab ni Dapitan City Administrator, Mr. Danilo S. Areños Jr. Ug kini matud pa, gi-facilitate pinaagi sa koloboration ni Department of The Interior and Local Government (DILG) Provincial Director Mario A. Baterna, CLGOO, Monette Ruaya-Ahmad, maingon man ang City Planning and Development Coordinator’s Office (CPDCO).
Nasayran nga ang gipahigayon nga duha ka adlaw’ng aktibidad, naka punting alang sa pagtuon, alang sa mga Estratihiya, nga maoy mamahimong Dalan, alang sa gitinguha nga Kalampusan, diin kini naka Sentro sa paghatag og pagtagad alang sa Malungtaron ug Paspas nga Kalambuan sa dakbayan sa Dapitan.
Gitambungan usab sa Bise Mayor sa Dapitan, ang naasoy nga aktibidad, diin gipatin-aw niini, ang emportansiya sa Transparency, Teamwork sa pagmugna og mga Plano, alang sa Lokal nga Pangagamhanan sa Dapitan, tungod og alang sa kalambuan sa mga Dapitanon.(Julius Esmade)
Source: CITY GOVERNMENT OF DAPITAN