Gipangunahan ni Pangulong Bong-Bong Marcos Jr (PBBM) ang Turn-over Ceremony sa 106 ka Patient Transport Vehicle, didto sa Sunset Boulevard ning dakbayan sa Dipolog, ning Probinsiya sa Zamboanga Del Norte, alas 11:00 ang takna sa buntag, Agosto 01, 2025.
Lakip nga miduyog sa nasangpit nga Turn-Over Ceremony si General Manager Melquiades A. Robles sa PCSO, maingon man ang Gobernador ning Probinsiya nga si Governor Darel Dexter T. Uy, nga maoy mipadayag sa iyang Welcome Remarks, sa Presensiya sa atong Nasudnong Pangulo ug sa tanang mga mitambong nga mga Government Official, diin iya usab nga gihatagan og pagtagad ang Presensiya sa mga Media Practitioner nga mitambong usab sa nasangpit nga Programa.
Nasayran nga mikabat sa 6 ka Syudad ang nakadawat sa Patient Transport Vehicle, ug mikabat usab ngadto sa 100 ka Municipalidad, ang naka binipisyo sa nahisgotang Proyekto nga pangkalusugan ni PBBM, nga matud pa sa iyang gibuhi-an nga pahayag atol sa maong aktibid, nga ang Proyekto alang sa panglawas maoy dakong bahin sa bag-o palang niyang natapos nga State of the Nation Address (SONA).
Dugang pa nga pahayag niini, nga iyang gipili ang maong mga sakyanan nga ihatag ngadto sa matag dakbayan ug mga kalungsoran sulod ning atong nasud nga Pilipinas, tungod kay barato lamang ang mga piyesa niini, ug matud pa, nga dali lamang kining ayuhon ug kaya nga ayuhon bisan sa mga ordinaryong mga mekaniko sa bisan asang dapit ang nasangpit nga mga Patient Transport Vehicle. Iya usab nga gipasalig nga adesir matapos kining tuig 2025, iya ng mahatagan ang tanang mga kalungsoran ug mga dakbayan ning atong Nasud og tagsa ka Patient Transpot Vehicle. (Julius Esmade)