Gipalig-on sa buhatan sa Environmental Management Bureau (EMB) Region IX, ug sa kagamhanang lokal sa Sindangan Zambonga del Norte ang kolaborasyon pinaagi sa Solid Waste Management Team, atol sa gipahigayon nga “Seminar on the Extended Producers Responsibility (EPR) Act of 2022 for Junkshop Operators and the Informal Waste Sector” niadtong Nobyembre 5,2025.
Ang maong kalihokan gipangulohan sa Municipal nga Mayor sa Sindangan nga si Hon. Glona G. Labadlabad, , kinsa mipaambit sa iyang mainitong pag-abi-abi sa mga partisipante ug naghatag ug gibug-aton sa bililhong kontribusyon sa junkshop operators ug waste collectors sa pagmintinar sa limpyo ug malungtarong komunidad.
Si Hon. Irene G. Labadlabad, Representante sa 2nd District sa Zamboanga del Norte, mihatag usab ug mensahe sa suporta, nga nagpasiugda sa panginahanglan sa paghatag gahum sa dili pormal nga sektor sa basura ug pagpalig-on sa gipaambit nga responsibilidad sa pagtubag sa mga hagit sa pagdumala sa basura sa plastik.
Kini nga seminar naghisgot kabahin sa Republic Act No. 9003, o ang Ecological Solid Waste Management Act of 2000; ang Integrasyon sa Informal Waste Sector ngadto sa Lokal nga Gobyerno sa Solid Waste Management Systems; ug Republic Act No. 11898, o ang Extended Producers Responsibility (EPR) Act of 2022.
Sa samang higayon si Atty. Abbas I. Lao, OIC–Regional Director sa EMB IX, mihatag ug gibug-aton sa makanunay nga pasalig sa Bureau pagpausbaw sa pagpatuman sa EPR Act sa tibuok rehiyon sa pagpasiugda sa mga prinsipyo sa sirkular nga ekonomiya nga usa ka praktikal, hands-on nga sesyon naggiya usab sa mga partisipante sa luwas ug episyente nga pagdumala sa basura, mga pamaagi sa paglainlain, ug pagpaayo sa mga operasyon sa junkshop alang sa pagsunod sa EPR.
Sa katapusang bahin sa kalihokan ang hepe sa Environmental Management and Enforcement Division (EMED), nga si For. Rene S. Giron, midayeg sa mga partisipante sa ilang aktibong pakiglambigit, pasalig, ug pagtinabangay paingon sa pagkab-ot sa usa ka mas limpyo, mas himsog, ug mas malungtarong palibot pinaagi sa paghatag sertipiko ug usa ka panapos nga mensahe. (MEDALYN U. BORJA)
Source: EMB Zambonga Peninsula IX